சாய் பாபா செய்துவரும் சேவைகளை பற்றியதான பதிவு இது....அவர் சத்திய நாராயண ராஜுவாக நவம்பர் 1926ல் பிறந்ததையோ, ஆந்திர புக்கபட்டினத்தில் எட்டாவது அகவையில் கல்விகற்றதையோ எழுத வரவில்லை...அதை சாய் டிவோட்டிகள் எழுதுவார்கள்...
பிரதமர்கள், ஜனாதிபதிகள், வெளிநாட்டு பிரமுகர்கள் வந்து சந்திக்கிறார்கள், மாதம் 800 கோடி நிதி வந்து குவிகிறது, அதை எப்படி செலவழிக்கிறார், என்றெல்லாம் கேட்டால் இந்த பதிவு அதை முழுதும் விளக்க வரவில்லை...
இந்த பதிவு அவரது சேவைகள் பற்றி, குறிப்பாக அவரது மகத்தான மருத்துவ சேவைகள் பற்றியதானது....எளியவருக்கு சேவை, அனைத்து உயிர்களிடத்தான அன்பு என்பதை போதிக்கிறார்...அதில் எளியவருக்கு சேவை என்பதை செயலில் காட்டுமுகத்தான் நாடெங்கும் அவர் அமைத்து இருக்கும் பல மருத்துவமனைகளில் ஒன்றை பற்றியதான பதிவு இது..
பாபாவின் பத்தாயிரம் ஆசிரமங்கள் மற்றும் சேரிட்டபுள் ட்ரஸ்ட்கள் நூற்றி அறுபத்தி ஆறு நாடுகளில் அமைந்துள்ளது எவ்வளவு உண்மையோ, அவற்றில், பெங்களூர் ஒயிட் பீல்டில் அமைந்துள்ள மருத்துவக்கல்லூரி மற்றும் மருத்துவமனை மிக ப்ரம்மாண்டமானது என்றால் அது மிகையான சொல்லாக இருக்க முடியாது...ஏக்கர் கணக்கில் கண்முன்னே விரிந்து கிடக்கும் அந்த மருத்துவமனைகளில் லட்சக்கணக்கானவர்கள் இது வரை பயன்பெற்றும், இனி பயன்பெறவும் போகிறார்கள் என்பதை எண்ணும்போது மனது நிறைகிறது...
இந்த மருத்துவமனையில்
* இதயநோய்களுக்கான தனிப்பிரிவு
* சிறுநீரகம் சம்பந்தம்மான நோய்களுக்கான தனிப்பிரிவு
* நரம்பியலுக்கான தனிப்பிரிவு
* பொது மருத்துவத்துக்கான தனிப்பிரிவு
என பாங்குற அமைந்துள்ளது...
தனிப்பிரிவு என்றால் வெறும் சிறியதொரு பிரிவை கற்பனை செய்யவேண்டாம்...ஏக்கர் கணக்கில் இருக்கும் தனி மருத்துவமனை. ஒவ்வொரு பிரிவிலும் நூற்றுக்கணக்கான பண்பான ஊழியர்கள்..உலகத்தரம் வாய்ந்த மருத்துவர்கள்...சாய் டிவோட்டிகள் பலர்...டிவோட்டியல்லாதோர் சிலர்..பணத்தை கொட்டிக்கொடுக்கப்பட்ட உலகப்புகழ்பெற்ற மருத்துவர்கள்...
வருடம்தோறும் ஆயிரக்கணக்கான அறுவை சிகிச்சைகள் பைசா செலவில்லாமல் செய்யப்படுகின்றன....நரம்பியல் துறையில் கீ ஹோல் ஆப்பரேஷன்கள், பொது மருத்துவ துறையில் டெஸ்ட் ட்யூப் பேபிக்கள், இதய அறுவை சிகிச்சை துறையில் ட்ரான்ஸ்ப்ளாண்ட்டேஷன்கள் என்று நாட்டில் / உலகில் மருத்துவ துறையில் உள்ள அத்துனை அட்வாண்ட்ஸ் டெக்னாலஜிகளையும், அந்த துறையில் உலகப்புகழ் பெற்ற மருத்துவர்களை கொண்டு இந்தியாவில் எங்கோ கிராமத்தில் வசிக்கும் சாயி பாபா கதவை தட்டும் ஒரு ஏழைகளுக்கு இலவசமாக செய்யப்படுகின்றன..
இவை எல்லாவற்றையும் விட மிக மிக முக்கியமான விடயம், இங்கே எந்தவொரு அறுவை சிகிச்சைக்கும் / ஸ்கேன் போன்ற டெஸ்டுகளுக்கும் "சல்லி பைசா கிடையாது"...
ஆம்...முற்றிலும் இலவச மருத்துவமனை...தலையை சொறியும் வார்டு பாய் கிடையாது....லஞ்சம் கேட்கும் அரசாங்க மருத்துவர் கிடையாது....காய்ந்து போன ப்ரட் கிடையாது...உலகத்தரம் வாய்ந்த அறுவை சிகிச்சை நிபுணர்களையும், மருத்துவர்களையும் சர்வ சாதாரன பாமரன் சந்தித்து பைசா செலவில்லாமல் ஆலோசனையும், சிகிச்சைகளையும், படுக்கை வசதிகளையும், உணவு உடைகளையும் பெறுவது என்ன சாதாரண விடயமா ? சொல்லுங்கள்...
தரம் ? தரத்துக்கென்ன குறைச்சல் ?
பாபாவின் ஆசிரமம் அமைந்துள்ள ப்ரஷாந்தி நிலையத்தில் அமைந்துள்ள ஷிரீ சத்திய சாய் இன்ஸ்ட்டியூட் ஆப் ஹையர் லேர்னிங் (மருத்துவ உயர் படிப்புக்கானது), தேசிய அளவிலான தரக்கட்டுப்பாட்டு தேர்வில் ஏ++ சான்றிதழ் பெற்றுள்ளது...இதற்கு மேல் தரத்தை பற்றி சொல்ல வேண்டுமா ? இங்கேயும் கல்வி முற்றிலும் இலவசம் என்பதை நான் சொல்லித்தான் நீங்கள் அறிந்துகொள்ள வேண்டுமா ?
அவர்மீதான விமர்சனங்களை முன்வைக்கும் ஒருவர் எப்படி அவரது நற்செயல்கள் பற்றி எழுதமுடியும் என்றெல்லாம் கேட்காதீர்கள்...அதெல்லாம் நாங்களும் எழுதுவோம்..நல்ல விடயம் எங்கே நடந்தால் என்ன, உண்மையை ஏற்றுக்கொள்ள வேண்டியது தான்...
தனி தெலுங்கானாவுக்கு பாபா சப்போர்ட் செய்யவில்லை என்று கேட்டார் ஒரு தெலுங்கு நன்பர்....இது சிறுபிள்ளைத்தனமா இருக்கு...இதற்கு அவர் என்ன செய்வார்...என்றேன்..அவரால் முடிந்த நற்செயல்களை செய்யட்டும் அவர்...எங்களால் முடிந்தவரை அவற்றை கொஞ்சம் வெளிச்சம் போட்டு காட்டுவோம்...இந்த வெளிச்சம் அவருக்கல்ல, எங்கள் மனதுக்கு..
இந்த பதிவை என் தலையில் நறுக் என்று குட்டி எழுத வைத்த டாக்டர். ஹெக்டே அவர்களுக்கு நன்றி...எஸ்.கே அய்யாவின் கருத்துக்களை எதிர்பார்க்கிறேன்..
<<< நாளை பாபா பிறந்தநாள், அதனால் இந்த மீள் பதிவு >>>
<<< சாய் டிவோட்டிகள் + ஓட்டும், நாத்திகர்கள் - ஓட்டும் குத்தவும்...>>>
