எதிரி வரான், வளைச்சி அடிடா மாப்ள...
ஏய் பல்குழல் எறிகணை அடிக்கறான் பதுங்குடா...
ரவியண்ணை, சரி ரெண்டு மோர்ட்டர் அடிப்பம் !!!
கினி கினி...கினி கினி....சாட்டிலைட் போன் சினுங்குகிறது...
தம்பி...கிபிர் வரான்...நீங்க நாலு பேரும் அப்படியே பின்னால வாங்க...இழப்பு எதுவும் இல்லாமல் இருப்பது தான் முக்கியம்...
அண்ணை எதிரி கண்ணுக்கு முன்னால நிக்கிறான், மகேசனும் நானும் ஹெவியை வெச்சு நிக்கிறம், சூரியனை மோர்ட்டர் மட்டும் அடிக்கச்சொல்லுங்க...முப்பது தலையை உருட்டிருவம்...
ஏய் சொன்னா கேளு...முப்பதுபேருக்கு பின்னால முன்னூறு பேர் சாக வரானுங்க...மல்ட்டி பேரல்ல மாட்டிருவீங்க...எழும்பி வாடா...
சரி ஸ்னைப்பர் கன்னை கொடுங்க நான் அப்படி மரத்தில் ஏறி நாலு மாங்காய் பறிக்கிறன்...
நோ. பின்னால். தலைவர் சொல்லிட்டார்.
வேறு எதுவும் பேசாமல் துப்பாக்கிகளை தூக்கிக்கொண்டு பின்னால் வருகிறார்கள்...
இவருக்கு இதே வேலையாப்போச்சு...பின்னால பின்னால வரச்சொல்லுறார்.. எப்போ நாம போய் அடிக்கிறது ? புலம்பினான் மகேசன்...
அட தலைவர் சொல்லிட்டார். இழப்புகள் இருக்ககூடாதாம்...அப்போ எதோ இருக்கப்பா...விடு...
சரி டீமோட மொத்த பாயிண்ட் எவ்ளோ பாரு...
BattleField 2 மல்ட்டி ப்ளேயர் கம்ப்யூட்டர் கேமில் பாயிண்ட்களை பார்க்கிறான் மகேசன்....கேமை ஜெயிக்க இன்னும் 40 பாயிண்ட்ஸ்...டீம் கமாண்டராக செயல்படும் செந்தில் ஹெட் போனில் " வி வில் கெய்ன் கண்ட்ரோல்...வொர்க் ஹார்ட் சோல்ஜர்" என்று மெசேஜ் தருகிறார்...
