பெப்சி உமா, இத்தோட நிறுத்திக்க...!!!

வலைப்பதிவர்களை நக்கல்விட்டு பெப்சி உமா விடுத்த அறைகூவலை சின்னக்குட்டியரின் வலைப்பதிவில் பார்த்தேன்...

ஆனால் எனக்கு தெரிந்தவரைக்கும் இந்தம்மா தமிழ் வலைப்பதிவர்களை சொல்வதாக தெரியவில்லை என்றே தோன்றுகிறது...

ஆனந்த விகடனும், ஹிண்டு பேப்பரும் படித்து, ஷாம்பார் வடையும் சாப்பிடும் பெப்சி உமா, வலைப்பதிவு தமிழில் எழுதப்படுகிறது என்று அறிந்தால், அப்பாவித்தமிழன் ஆறு ஆண்டுகளாக அவரது லைனை ட்ரை செய்து, ஏழாவது ஆண்டில் லைன் கிடைத்தது, உங்க வாய்ஸ் ரொம்ப ஸ்வீட்டா இருக்கு எனும்போது கொடுக்கும் எக்ஸ்ப்ரஷனை விட அதிக எக்ஸ்ப்ரஷனை கொடுப்பார் என்கிறேன் நான்...

" ஓஓஓ...தமிழ்ல கூட ப்லாக்ஸ் இருக்கா ? " என்றதொரு கேள்வியைத்தான் பெப்ஸி உமா கேட்கக்கூடும்...

அதனால் சின்னக்குட்டியரில் வலைப்பதிவில் அவரை குமுறிக்கொண்டிருக்கும் வவ்வால், ப்ரின்ஸ், மாசிலா, தெக்கி காட்டான் போன்றவர்கள் இங்கே கும்மியை தொடருமாறு கேட்டுக்கொள்ளப்படுகிறார்கள்...

மேலும் அவரை பெப்ஸி உமா என்று விளிப்பதை அன்புடன் நிறுத்திக்கொண்டு, ஆச்சி மசாலா உமா என்றே விளித்து தொலையுமாறும் பணிவுடன் கேட்டுக்கொள்கிறேன்...

செந்தழல் எங்காவது காரை மோதி ஒரு இருபதாண்டு கோமாவில் விழுந்து எழுந்துவந்தால், அப்போதும் வால்மார்ட் மினரல் வாட்டர் வழங்கும் உங்கள் சாய்ஸ் என்று உமா பாட்டி உளறிக்கொண்டிருப்பதை காண சகியாமல் அப்படியே போய்விடவேண்டும் என்று ஆக்ஸிலெட்டரை நன்றாக அழுத்தி புளியமரத்திலோ அல்லது நின்றுகொண்டிருக்கும் லாரியின் பின்புறத்திலோ குத்தவேண்டும்...அதுதான் இப்போதைய அவா...

கல்லூரி படிக்கும் காலத்தில் எம்.சி.ஏ மாணவர் ஒருவர் பெப்சி உமாவிடம் போன் போட்டு பேசியதாக ஒரே பரபரப்பாயிருந்தது...வழக்கமாக முக்கிய வேலையாக நிற்கும் இடத்தில் யார் அந்த பெப்சி உமா என்ற மொக்கையான கேள்வியை நான் கேட்டுவைக்க, எதிர்வீட்டு ஜன்னல் ப்ளஸ் டூ பிகர் என்னை சனி கிரக ஏலியனை பார்ப்பது போல் பார்த்து, பர்மனண்ட்டாக அந்த ஜன்னலை சாத்திய சம்பவமும் நடந்து தொலைந்தது...

டி.வி சரளமாக பார்க்கும் காலம் வந்தது, எப்போது இந்த நிகழ்ச்சியை வைத்தாலும் யாராவது போனை போட்டு, உங்க வாய்ஸ் ரொம்ப ஸ்வீட்டாயிருக்கு என்று உளர, ஒருவேளை எனக்கு ஏற்படும் வயத்தெரிச்சலால் தான் இந்த நிகழ்ச்சி பிடிக்கவில்லையோ என்று உள்ளூர எழுந்த கிலி காரணமாக ரெண்டு மூனு பேரிடம் விசாரிக்க, அப்படி ஒன்றும் பெப்சி உமாவின் வாய்ஸ் ரசகுல்லா மாதிரி இல்லை என்றும் ஐஸ் க்ரீம் தின்று கரகரத்த ஆயாவின் வாய்ஸ் போலத்தான் இருக்கிறது என்று கடும் கோபத்தில் ஆபீஸ் கலீக் சொல்ல...ஆஹா, கிளம்பிட்டாங்கய்யா என்று நினைத்துக்கொண்டேன்...

ஒரு காலத்தில் யாரும் போன் போடாது போனபோது, சன் டீ.வி நிறுவனத்தினரே பக்கத்து அறையில் இருந்து போனில் உமாவிடம் எழுதிக்கொடுக்கப்பட்ட டயலாக்குகளை வைத்து மொக்கை போட்டதாக ஒரு அதிரடி தகவல் பரவியபோது, நம்புறதா வேண்டாமா ஆண்டவா என்று நொந்துகொண்டேன்...

இப்போது யாரவது ஒரு செலபிரட்டியை கூப்பிட்டு வைத்து உமா மொக்கை போடுவதாக கேள்விப்பட்டு, இன்று கண்டிப்பாக பார்த்தேவிடுவது என்று அலுவலகத்தில் இருந்து விரைந்து வீடு திரும்ப திட்டமிட்டு...அலுவலகத்தில் மானேஜரிடம் ஆணி வாங்கிக்கொண்டிருந்த, அன்றைக்கென்று பார்த்து வீட்டு சாவியை எடுத்துச்சென்றுவிட்ட அறை நன்பனை ஆயிரம் காரணம் சொல்லி வீட்டுக்கு வரவைத்து, வேகமாக ஏழு மணிக்கெல்லாம் டி.வியை ஆன்ன்னியபோது...பெப்சி உமா ப்ரொக்ராம் பார்க்கத்தான் வந்தேண்டா என்றபோது நன்பன் முறைத்த முறையில் தீக்கங்கே வந்துவிட்டது...ஆமாம் பின்ன...பெப்சி உமா ப்ரொகிராம் விசாழ கிழமையாம்...நான் அவனை டார்ச்சர் கொடுத்தது திங்கக்கிழமை...வெற வழி, ஆனந்தமோ, அடுப்படியோ, ஒரு சீரியலை அந்த நேரத்துக்கு பார்த்து அழுதேன்...(இன்னும் கூட அந்த சீரியல் வருதாம்...ஆனா நான் பார்த்தப்போ இருந்த ஹீரோயினி, கொடுமைக்கார மாமியாராம் இப்ப)...

சரி விஷயத்துக்கு மறுபடி வரேன்...

கட்டற்றதாயுள்ள இணையத்துல வலைப்பதிவர்களை கலாய்த்து, தன்னுடைய வேலையான ஹி ஹி சிரிப்பு, புதுப்பாட்டு போடுறது என்பதோடு நிறுத்திக்கொள்ளாமல் அதிகப்பிரசங்கித்தனம் செய்த உமாவை எதிர்த்து, மவுண்ட்ரோட்டில் மழைபெய்யும்வரை உண்ணாவிரதம் இருப்பேன்...(இதுவரை ஓசை செல்லா இதைப்பற்றி பதிவு எழுதாதது ஆச்சர்யமாயுள்ளது)

பின் குறிப்பு:

தற்சமயம் நான் வெளியூரில் இருப்பதால் உண்மைத்தமிழன், வரவணை, சுகுணா, ப்ரின்ஸ், லக்கிலூக், பொட்டீக்கடை போன்றவர்கள் இந்த போராட்டத்தை மேற்கொண்டு நடத்துவார்கள்....வணக்கம்...