ஜெயராமன் கக்கிய விஷம்

அன்பர் ஜெயராமன் பதிவு என்ற பெயரில் கக்கிய விஷம் இங்கே

சாம்பிளுக்கு சில.
1.மேல்சாதி கிருத்துவர்கள் தலித் பாதிரியின் கையால் புனித நீர் வாங்க எதிர்க்கிறார்கள்
2.பலப்பல கிருத்துவ கல்லறைகளிலும் தலித்துக்களுக்கும், மேல்சாதி கிருத்துவர்களுக்கும் சுவரெழுப்பி பிரிக்கப்பட்டுள்ளது. சாவிற்கு பின்னும் அவர்கள் மேல்சாதி கிருத்துவர்களின் மண்ணை கூட மிதிக்க முடியாது.

என் பின்னூட்டம் இங்கே...வெளியிடுவார்கள் என் நம்பிக்கை இல்லை...அதனால் என் பதிவு...

நீங்கள் கூறியுள்ள பல செய்திகளில் உண்மை இல்லையே என்ன செய்ய...இது போன்ற அவதூறு பிரச்சாரம் செய்ய உங்களை தூண்டுவது எது ??

ஏன் இந்த உணர்வு எழுகிறது உங்களுக்கு ?
எதோ ஒரு இடத்தில் நடப்பதை / அல்லது நடவாததை உண்மை போல் திரித்து எழுதி இருக்கிறீரே ??

உங்களுக்கு தலித் கிறிஸ்தவர்மேல் இவ்வளவு கரிசனம் எழுந்தது ஏன் ? அவர்களை மாராப்பு அணிய தடைவிதித்தது யார் ? கிறிஸ்தவ மிஷினரிகளா ??

மேலும் கிறிஸ்தவரின் இறை நம்பிக்கையையும் புண்படுத்தி எழுதி உள்ளீரே ?

யாரோ ஒருவர் (மனம்பிழன்றவர்) சொல்வதை வைத்துக்கொண்டு எல்லாரையும் இகழ்ந்து விஷம் போல கக்கும் தீய சிந்தனையை எங்கிருந்து பெறுகிறீர்..

ஆண்டவன் உங்களை மன்னிப்பாராக..

உவமைக்கவிஞர் சுரதா காலமானார்

அவரது மறைவுக்க அஞ்சலி செலுத்துகிறென்...அவர்பற்றி பாஸ்டன் பாலா எழுத்தில் வந்த பதிவு கீழே...அதற்க்கு பின்னூட்டம் இட்டு இருந்த ஆசாத் மற்றும் வெற்றியின் பின்னூட்டங்களையும் இனைத்துள்ளேன்..


உவமைக் கவிஞர் சுரதா கடுமையாக உடல் நலம் பாதிக்கப்பட்டுள்ள நிலையில் போரூர் ராமச்சந்திரா மருத்துவமனையில் அனுமதிக்கப்பட்டுள்ளார்.


சிறிது காலமாகவே உடல் நலம் பாதிக்கப்பட்டிருந்த அவரின் உடல் நிலை மோசமானதையடுத்து ராமச்சந்திரா மருத்துவமனையில் தீவிர சிகிச்சைப் பிரிவில் அவர் சேர்க்கப்பட்டுள்ளதாகவும், அங்கு அவருக்கு செயற்கை சுவாசம் அளிக்கப்பட்டு சிகிச்சை அளிக்கப்படுவதாகவும் தெரிவிக்கப்பட்டுள்ளது.

சுரதாவின் சிகிச்சைக்காக முதலமைச்சர் கருணாநிதி தனிப்பட்ட முறையில் ரூ.50,000 நிதியுதவி செய்திருந்தார். புரட்சிக் கவிஞர் பாரதிதாசன் மீது பற்று கொண்டு அவருடைய இயற்பெயரோடு தாசன் என்கின்ற அடைமொழியையும் சேர்த்து (சுப்பு ரத்தினதாசன்) தனது பெயரை சுரதா என்று மாற்றிக்கொண்ட கவிஞர் சுரதா அவர்கள், தனி கவிதைப் பாரம்பரியத்தையே உருவாக்கியவர்.

பல்லாயிரக்கணக்கான கவிதைகளை யாத்த சுரதா உருவாக்கிய கவிஞர்களின் எண்ணிக்கையும் பல நூறைத் தாண்டும். "கலையே என் வாழ்க்கையின் திசை மாற்றினாய்" எனும் இனிய திரைப்படப் பாடலை எழுதிய சுரதா, பல திரைப்படங்களுக்கு பாடல் எழுதியவர் என்பது குறிப்பிடத்தக்கது.

ஆசாத்

பாலா,சட்டென்று நினைவிற்கு வரும் திரைப்பாடல்களை எழுதுகிறேன்.
1.ஆடி அடங்கும் வாழ்க்கையடா (நீர்க்குமிழி)
2.அமுதும் தேனும் எதற்கு (போலீஸ்காரன் மகள் ? - சந்தேகந்தான்)3.விண்ணுக்கு மேலாடை (நாணல்)
4.தை பொறந்தா வழி பொறக்கும் தங்கமே தங்கம்
5.முகத்தில் முகம் பார்க்கலாம்
அன்புடன்
ஆசாத்

வெற்றி

பாலா,தகவலுக்கு நன்றி.

இச் செய்தியைப் படிக்கும் போதே மிகவும் வேதனையாக உள்ளது. கவிஞர் சுரதா நலம் பெற இறைவனப் பிரார்த்திகிறேன்.

கவிஞரின் மருத்துவச் செலவுக்கு நிதியுதவி செய்த கலைஞருக்கு என் நன்றிகளும் பாராட்டுக்களும்.

இவரின் " அமுதும் தேனும் எதற்கு நீ அருகினில் இருக்கையிலே" எனும் பாடலைப் பல தடவை கேட்டு இரசித்திருக்கிறேன்.

இப் பாடலை நீங்களும் கேட்டு மகிழ கீழ்க் காணும் இணையத்தளத்திற்குச் செல்லுங்கள்.

http://www.musicindiaonline.com/p/x/Q4X2G5wFDS.As1NMvHdW/

நன்றி
அன்புடன்
வெற்றி

எண்பத்தாறு அகவையில் இறையிடம் சேர்ந்த அவரின் ஆன்ம சாந்திக்காக இறைஞ்சுகிரேன் இறைவனிடம்.....

பேய்,பிசாசு,ஆவி,மோகினி..

பேய் இருக்கிறதா இல்லையா என்று பலருக்கும் பல கருத்து இருக்கும்...சாமிய நம்புற இல்லடா..அப்புறம் பேயயும் நம்பு...என்று சின்ன வயதில் என்னை மடக்கிவிட்டார் எங்க அய்யா..அப்போது கூகுளாண்டவர் இருந்திருந்தால் அவரிடம் கேட்டிருப்பேன்...

விழுப்புரம் மாமா வீட்டில் - 13 வயதில் - ஈவில் டெட்(Evil Dead) படம் பார்த்தபோதுதான் பேய்களோடு நல்ல அறிமுகம் ஏற்ப்பட்டது...அந்த படத்தின் தாக்கம் சுமார் 5 ஆண்டுகள் இருந்தது...

பத்தாம் வகுப்பு படிக்கும்போது 25 ரூபாய் டில்லிக்கு மனியார்டர் செய்து GHOST என்ற புத்தகத்தை வாங்கினேன்...ஆங்கில புத்தகமான அதில் மேட்டர் சரியாக புரியாவிட்டாலும், படிகட்டில் ஆவிமாதிரி நிற்க்கும் பேய் படம் எல்லாம் போட்டு பயமுறுத்திவிட்டார்கள்...ஆறுமணிக்கு மேல் வெளியே போக சிலநாள் தடா போட்டது...

பிற்பாடு கல்லூரி காலத்தில் நன்பனோடு பந்தயம் கட்டி, சிகரெட் பாக்கெட் சகிதம் 12 மணிக்கு சுடுகாட்டில் வழவழ பளிங்கு கல்லறையில் கால்மணி நேரம் உட்கார்ந்து இருந்தது இரண்டு நாள் கடும் காய்ச்சலுக்கு வழிவகுத்தது...பந்தய பணமும் அம்பேலானது...

கல்லூரி காலத்தில் என் அறை தோழர் மணிவண்ணன், பேயால் பாதிக்கப்பட்டார்..இரவு திடீரென எழுந்து...அய்யோ அம்மா...பேய் அமுக்கியது..கையை காலை ஆட்ட முடியல..என்று பீதியை கிளப்புவார்...அப்புறம் நமக்கு தூக்கம் ஏது...

ஊரில் கேள்விப்பட்ட கதை ஒன்று வேறு அடிவயிற்றில் கிலியை கிளப்பியது...போலீஸ் துறையை சேர்ந்தவர் மனைவியின் ஆவி ஒரு பெண்ணின் மீது புகுந்துவிட்டதாகவும், அவந்தான் என்னை கொன்றான் என்று அவரது இறந்துபோன முதல் மனைவியின் குரலிலேயே பேசியதாகவும்...பல இரவுகள் தூக்கத்தை கெடுத்தது...

ஆவியுலக அனுபவங்கள் அப்படின்னு விக்கிரவாண்டி ரவிச்சந்திரன் எழுதிய புத்தகத்தை கூட சிலசமயம் படிச்சி நொந்து இருக்கிறேன்..அதில் உள்ள செய்முறை விளக்கத்தை வைத்து ஆவிபிடிக்க போர்டு வைத்து / நம்பர் எல்லாம் வரைந்து மெழுகுவர்த்தி கொளுத்தி சில்வர் டம்ளரால் பட்டுனு அமுக்கி எஸ் - நோ என்று தானாகவே போகுது பார் என்று பீலா விட்ட கதை எல்லாம் நடந்தது...

நாரியப்பனூர் கோவில் சென்றபோது அங்கு தலைவிரி கோலமாக ஆடும் இளம் பெண்களையும் கண்டு இருக்கேன்..

இப்போது விக்கிபீடியாவில் பேய்களுக்கு தனி லிங்க் உள்ளது...http://en.wikipedia.org/wiki/Ghost



பேய் புகைப்படம்கூட பப்ளிஷ் செய்துள்ளார்கள்..ரென்ஹாம் ஹால் என்னும் இடத்தில் மேஜர் லாப்டஸ் மற்றும் அவரது நன்பர் ஹாப்கின்ஸ் இருவரும் கண்ணால் கண்டதாக சான்று பகர்கின்றனர்..(The Brown Lady of Raynham Hall)..உரல் இங்கே..

பேய்களை பற்றி ஆராய ஒரு அமைப்பு ஒன்று இயங்கி வருகிறது..
உரல் இங்கே
பேயை படமாக்குவதற்க்கு எல்லா பணிகளையும் செய்துவருகிறார்கள்...

நம்ம ஊரில கொள்ளிவாய் பிசாசு ராத்திரியில கிளம்புமாம்..கிட்ட போனா பொட்டுன்னு ஆளை அடிச்சிடுமாம் என்று சொல்லுவதுண்டு....பிறகு நமக்கு கொஞ்சம் அறிவு தெளிஞ்சவுடன் மீத்தேன் வாயுதான் கொள்லிவாய் பிசாசாக டபுள் ஆக்டு கொடுக்குது என்று தெரிந்தது...

இப்போது சொல்லுங்க...பேய் இருக்கா இல்லையா...நம்பலாமா நம்பப்படாதா ? பாத்திருக்காங்களா பாக்கலையா...

அப்படி விவரம் தெரிஞ்சவங்க எனக்கு இன்னுமெரு தகவலையும் சொல்லுங்க...ஏன் இந்த மோகினி பிசாசு வெள்ளை சாரியை மட்டும் யூஸ் பன்னுது..அதுக்கு காஞ்சிபுரம் / பணாரஸ் பட்டுபத்தியெல்லாம் யாரும் சொல்லவில்லையா??

ஆவியை பார்த்தவங்க ( அட இட்லி குக்கரில புஸ்சுன்னு வர்ர ஆவியை சொல்லலீங்க..) நிஜ ஆவி...யாரும் இருந்தா அது சிகரெட் புடிக்காம, பீடிய மட்டும் லைக் பண்ற காரணத்தையும் சொல்லுங்க...

ஜோதிடம் உண்மையா - பொய்யா....

சந்திரமுகி படத்தில் வடிவேலு ரஜினியை பார்த்து கேட்பதுபோல் கேட்க தோன்றுகிறது...

இருக்கா இல்லையா....பாத்திருக்காங்களா...பாக்கலையா....என்று...

இன்று செய்தித்தாளில் படித்த ஒரு செய்தியும், இரண்டு நாட்களுக்கு முன் ஒரு நன்பர் கூறிய செய்தியும் இப்படி ஒரு பதிவு எழுத தூண்டுகிறது என்னை...

இந்திய தலைமை தேர்தல் கமிஷனர் ஜோதிட தேர்வு எழுதுகிறார்...இது பற்றி அதிகம் கூற விரும்பவில்லை...என்ன ஒரு பகுத்தறிவு...

என் நன்பர் ஒருவர் ராமநாதபுரத்தில் ஒருவர் ரூ 21 பெற்றுக்கொண்டு கடந்தகாலம், நிகழ்காலம், வருங்காலத்தினை புட்டு புட்டு வைக்கிறாராம்...

அவர் புகைப்படத்தினையும் காட்டினார் ( மொபைல் காமிராவில் எடுத்தது ) - கைலி அணிந்த ஒரு ஒல்லிப்பிச்சான் நபர்...

நன்பரிடம் நான் கட்டிய பந்தயம், நான் வருகிறேன் ராமநாத புரத்திற்க்கு...என்னை பற்றி ஒரு விஷயம் சொல்ல சொல்லு...நான் நம்புகிறேன் ஜோசியத்தினை...அப்படி நீ தோற்று விட்டால், ஜோசியம் பொய் என்று ஒத்துக்கொள்ளவேண்டும்...

சில ஆண்டுகளுக்கு முன் சிதம்பரம் நாடி ஜோதிடம் என்பதினை பற்றியும் கேள்விப்பட்டேன்...நமது தலைஎழுத்து ஏற்க்கனவே டாக்குமண்டேஷனாகி இருப்பதாக சொன்னார்கள்...

எனக்கு ஒரு உண்மை தெரிஞ்சாகனும்....

தனிமை

என்னுயிரே வா...என்னருகே.....

காதலர்களுக்கு(?) இடையில் உரையாடல்...

ஒருவர் காதலில் விழுகிறார்.....முதல் முதலாக அவரது இதயத்தினை காதலியிடம் வெளிப்படுத்துகிறார்...அப்போது

நடக்கும் உரையாடலை தருகிறேன்....

காதலன்: அன்பே...என் முழு இதயத்தோடும் முழு ஆன்மாவோடும் உன்னை விருப்புகிறேன்...
காதலி: என்ன எதாவது சினிமா டயலாக்கா ?

காதலன்: இல்ல..உண்மையாவே உண்னை விரும்புகிறேன்...
காதலி: என்ன எதாவது சினிமா பட தலைப்பா..

காதலன்: ம்ஹும்...உன்னை லவ் பன்ரேன்னு சொல்ல வந்தேன்...
காதலி: சீரியசாவா ?

காதலன்: சத்தியமா சொல்லுறேன்...
காதலி: நான் யாரையும் காதலிக்கறதா இல்ல...

காதலன்: என்னை காதலிக்கலாமே..
காதலி: வேனாம் விட்டுடுங்க...

காதலன்: ஏன் ?
காதலி: பிடிக்கல...

காதலன்: என்னையா ?
காதலி: இல்ல...காதலிப்பதை...

காதலன்: காதலிப்பதையேவா...
காதலி: இல்லை..உங்களை காதலிப்பதை....நாம வழக்கமா நண்பர்களாகவே இருப்போமே....

காதலன்: இல்லை..நான் உன்னை காதலிப்பதில் உறுதியாக இருக்கேன்...
காதலி: என்னை பத்தி தெரியும் இல்லையா...அப்படி இருந்துமா என்னை காதலிக்கரேன் என்று சொல்லுறீங்க ?

காதலன்: நல்லா தெரியும்...
காதலி: என்ன தெரியும்...

காதலன்: எல்லாமே தெரியும்...
காதலி: சரி...இப்ப நான் சொல்லுறேன்...அதுக்கு நீங்க பதில் சொல்லுங்க... நான் ஒரு சோம்பேறி...சுடுநீர் தவிர எதையும் சமைக்க தெரியாது...

காதலன்: ( மனதுக்குள் : அது ஒரு சமையலா.. கொடுமைடா சாமீ ) பரவாயில்லை..நானே எல்லா சமையலையும் பன்னுறேன்..

காதலி: நான் இங்கிலீஷ் புக் தான் படிப்பேன்...டாவின்சி கோடு, சிட்னி ஷெல்டன் நாவல்ஸ், இந்த மாதிரி...

காதலன்: ( மனதுக்குள் : என்ன ஏதாவது கெட்ட வார்த்தையில திட்டுறாளா ) சரி..நானும் இனிமே இங்கிலீஷ் நாவல்தான் படிப்பேன்...(மனதுக்குள் : ஒழிஞ்சோம்...குமுதம் நடு பக்கம் இனிமே பாக்க முடியாது...ஹும்...)

காதலி: நான் காலையில பதினோரு மணிவரை தூங்குவேன்...
காதலன்: பரவாயில்லையே....நான் வேண்டுமானா கால அமுக்கி விடட்டுமா...

காதலி: ரொம்ப வழியாதீங்க..நான் 5 குல்பி ஐஸ் டெய்லி சாப்பிடுவேன்...
காதலன்: வாங்கிதந்துட்டா போச்சு....

காதலி: நான் டிவியில இந்தி சானல் தான் பார்ப்பேன்...தமிழ் சேனல் கனவுல கூட பார்க்க மாட்டேன்...

காதலன்: சத்தியமா எனக்கு கூட சாரூக்கான் தான் பிடிக்கும்...அவர் ஜம்ப் பன்னி டைவ் அடிச்சி டச்சா டச்சா னு சண்டை போடுறது ரொம்ப பிடிக்கும்..( மனதுக்குள் : இனிமே பெப்சி உமாவையும், காசுமேல புரோகிரம்ல வர சூப்பர் பிகரையும், சன்.மியூசிக் அட்டுக்களையும் பாக்குற பாக்கியம் கிடைக்காது...ம்ம்ம்...)

காதலி: ஜாக்கிசானுக்கும் சாரூக்கானுக்கும் வித்தியாசம் தெரியாத மொக்கையா இருக்கீங்களே...
காதலன்:ஹி ஹி

காதலி: வழிசல் தான் போங்க...என்னை கல்யாணாம் பண்ணிக்கிட்டீங்கன்னா, நான் உங்களை விட ஹாரி பாட்டருக்குதான் முக்கியத்துவம் கொடுப்பேன்..

காதலன்: அது யாரு, உன்னோட ஆன்சைட் கோஆர்டினேட்டரா (வெளிநாட்டு மேனேஜர்) ? பரவாயில்ல..நீ ஆபீஸ்ல இருந்து லேட்டா வர்ரது ஒரு பிரச்சினை இல்ல...

காதலி: ஹாரி பாட்டர் ஒரு நாவல்னுகூட தெரியாத வெண்ணையா இருக்கீங்களே...அந்த நாவலோட 5ஆவது பதிப்புக்காக வெய்ட்பண்ணிக்கிட்டு இருக்கேன்...அதுல ஒரு முக்கியமான் சஸ்பென்ஸ் இருக்கு...

காதலன்: ஓ இங்கிலீஷ் நாவலா ? சரி சரி...என்ன சஸ்பென்ஸ் ? யார் கொலை செய்ததுன்னா ?
காதலி: இல்லை...சாப்பாட்டு மேஜையில இருந்த முட்டைய யார் உடைச்சதுன்னு...

காதலன்: (மனதுக்குள் : கொடுமைடா சாமீ..) சரி வேற என்ன பண்ணனும் உன்னோட லவ்வர் ஆகனும்னா?

காதலி: காலையிலயும் சாயங்காலமும் என்னோட வாக்கிங் வரனும்...

காதலன்: அப்படியா...எனக்கு கூட வாக்கிங் ரொம்ம்ப பிடிக்கும்...உன்கூட வேற யாரெல்லாம் வாக்கிங் வருவாங்க...

காதலி: இப்போதைக்கு எங்க வீட்டு டாமி வந்துக்கிட்டு இருக்கு...நம்ம கல்யாணத்துக்கு அப்புறம் டாமி வராது...நீங்க தான் வரனும்..

காதலன்: (மனதுக்குள் : கொடுமைடா சாமீ...நம்ம பொழப்பு நாய்பொழப்பு தான் இனிமே)..கண்டிப்பா...வந்துட்டா போச்சு...அப்புறம் வேறென்ன பன்னனும் ?

காதலி: ஞாயித்து கிழமை தலைக்கு எண்னை தேச்சி குளிப்பாட்டனும்..நல்லா தலைய மசாஜ் செய்து விடனும்...

காதலன்: (மனதுக்குள் ஜொள்ஸ்) ஹி ஹி...அது கண்டிப்பா செய்திடலாம்..
காதலி: ரொம்ப அலையாதீங்க...எனக்கு இல்ல...என் தம்பிக்கு....

காதலன்: (புஸ்ஸாகிறார்...ஆனால் முகத்தில் சலனமில்லாமல்) நான் கூட அதை தான் நினைத்தேன்...சரி வேறென்ன செய்யனும் நீ என்னை லவ் பன்றதுக்கு...

காதலி: கல்யாணம் பன்னிக்க சொல்லி கேட்கக்கூடாது...

காதலன்:(மனதுக்குள்: இதென்ன கொடுமை) அய்யய்யோ...அப்புறம்....
காதலி: எனக்கு தோனும் போது சொல்லுவேன்.....அப்புறம் தான் கல்யாணம்...

காதலன்: (மனதுக்குள்: இவளுக்கு எப்ப தோனுறது...அதுக்குள்ள நமக்கு முடியெல்லாம் கொட்டிரும்...தினத்தந்தி டாக்டர்கிட்ட போகவேண்டியதுதான்...நம்ம போட்டோவ விளம்பரத்துல உபயோகப்படுத்துவானுங்க...சிகிச்சைக்கு முன்..சிகிச்சைக்கு பொறவு அப்படீன்னு...) ஹி ஹி...உன்னோட இஷ்டம்டா செல்லம்...வேறென்ன செய்தா என்ன லவ் பன்னுவ...

மேட்டர் சீரியசாகிறது...கவனியுங்கள்...

காதலி: நீங்க என் வீட்டோட மாப்பிள்ளையா மாறுவதுக்கு சம்மதம் சொல்லனும்...
காதலன்: இது தான...ஒரு ப்ரச்சினையே இல்ல...நிம்மதியா ஓக்கே சொல்லிடுரேன்...

காதலி: நீங்க என்னோட மதத்துக்கு மாறனும்...
காதலன்:(சிறிது நேர மவுனம்)..சரி...மாறிடுறேன்...

காதலி: ஒரே ஒருவிஷயம் பாக்கி...அது சரின்னா இப்பவே "சரி" ன்னு சொல்லிடுறேன்...
காதலன்: சொல்லு கண்ணா சொல்லு....என்ன சொன்னாலும் ஓக்கே தான் சொல்லப்பேறேன்...

காதலி: உங்க சாதியை மாத்திக்குங்க...நீங்க என் சாதிக்கு மாறிடுங்க.....
காதலன்: இது முடியாது....என்னால முடியாது....தயது செய்து வேண்டாம்...ப்ளீஸ்...என்னை மன்னிச்சிடு...இந்த விஷயம் வேண்டாமே...இது நடக்கவே நடக்காதும்மா...விட்டுடு....சாதி பிறப்பால் வருகிறது...நானே நினைத்தாலும் மாற்ற முடியாத விஷயம்...மீண்டும் பிறந்தால் மட்டுமே சாத்தியம்....

காதலி கோபமாகிறார்......அதெல்லாம் கிடையாது...நான் ரொம்ப பிடிவாதக்காரின்னு தெரியும் இல்லையா...என் சாதிக்கு மாறுங்க....அப்பதான் லவ் பன்னுவேன்...

காதலன் நொந்து நூலாகி நூடுல்ஸ் ஆகிறார்........

சாதியை வெறுப்போம்...அதுதான் இந்த பதிவின் மெஸேஜ்....

சிங்கப்பூரில் சினேகா....!!!!!!!!

மிக முக்கிய செய்தி:

நடிகை சினேகா நேற்று சிங்கப்பூரில் நடந்த ஒரு திறப்பு விழாவில் கலந்துகொண்டார்..முன்னதாக அவர் சிங்கை வானொலியில் உரையாற்றினார்..அப்போது ரசிகர்களா கடும் தள்ளுமுள்ளு ஏற்ப்பட்டது..

பாதுகாப்பு படையினர் அழைக்கப்பட்டு, சினேகா ஓட்டலுக்கு அழைத்துச்செல்லப்பட்டார்...

இதுபற்றி சினேகா ஆச்சர்யத்த்கூறும்போது, அதிக ரசிகர்களை கொண்டிருப்பது மிக மகிழ்ச்சியாக உள்ளது..அதே சமயம் மூச்சுத்தினறல் எற்ப்படும் என்ற பயம் வந்தது என்று குறிப்பிட்டார்..

பி.கு.

சினேகா படத்தினை பதிவுல போட இத்த விட்டா வேற நல்ல சான்ஸ் கிடைக்காது...