தமிழ் வலைப்பதிவு for டம்மீஸ் !!!

முதலில் நீங்கள் பழைய வலைப்பதிவரா, அல்லது புதிய வலைப்பதிவரா என்பதை கண்டுபிடித்துவிட்டு எப்படி வலைப்பதிவு செய்வது என்பதை பார்க்கலாம்...

அ மற்றும் ஆ என்றால் என்ன என்பதை கடைசியில் பார்க்கலாம்...

செக்-பாய்ண்ட் - 1

தமிழ்மணத்தை துவக்கியது காசி என்று நீங்கள் நினைத்தால் நீங்கள் (அ) வலைப்பதிவர்..

தமிழ்மணத்தை துவக்கியது டோண்டு ராகவன் என்று நீங்கள் நினைத்தால் நீங்கள் (ஆ) வலைப்பதிவர்...

செக்-பாய்ண்ட் - 2

தமிழ்மணம் அமெரிக்காவில் இருந்து நடத்தப்படுவது என்று நீங்கள் நினைத்தால் நீங்கள் (அ) வலைப்பதிவர்...

தமிழ்மணம் ஆப்ரிக்காவில் இருந்து நடத்தப்படுவது என்று நீங்கள் நினைத்தால் நீங்கள் (ஆ) வலைப்பதிவர்..

செக்-பாய்ண்ட் - 3

லக்கிலூக் முப்பத்து மூன்று வயதுக்காரர், ஓல்டு மங்கை ராவாக...அடிப்பவர்...மற்றும் கல்யாணமானவர் என்று நீங்கள் நினைத்தால் என்று நீங்கள் நினைத்தால் நீங்கள் (அ) வலைப்பதிவர்..

லக்கிலூக் கல்யாணம் ஆகாத கன்னிப்பையன், செவன் அப் குடித்தாலே மப்பு ஏறக்கூடியவர் என்று நீங்கள் நினைத்தால் நீங்கள் (ஆ) வலைப்பதிவர்..

செக்-பாய்ண்ட் - 4

பார்ப்பணீயம், மீபொருண்மை, பெண்-ஈயம், பின்நவீனத்துவம், பொதுவெளி, வர்க்கபோராட்டம், போன்ற வார்த்தைகளுக்கு அர்த்தம் தெரிந்திருந்தால் நீங்கள் (அ) வலைப்பதிவர்..

இதெல்லாம் இன்னாது என்று கேட்டால் நீங்கள் (ஆ) வலைப்பதிவர்..

செக்-பாய்ண்ட் - 5

ஆடுமாடு, பைத்தியம், கூடுதுறை போன்ற வஸ்துக்கள் என்னவென்று தெரிந்தால் நீங்கள் நீங்கள் (அ) வலைப்பதிவர்..

மாடு என்பது மேயும், பைத்தியம் கீழ்ப்பாக்கத்தில் இருக்கும் போன்ற பொதுவான பதில்களை நீங்கள் சொன்னால் நீங்கள் (ஆ) வலைப்பதிவர்..

செக்-பாய்ண்ட் - 6

சூடான இடுகையில் வர, "தசாவதாரம்" என்று தலலப்பு வைக்கவேண்டும் என்று தெரிந்தால் நீங்கள் (அ) வலைப்பதிவர்..

பக்கம் பக்கமாக ஆராய்ச்சி, பயணக்கட்டுரை, சோதிடம் என்று நல்ல பதிவுகள் போட்டால் உங்கள் பதிவை பலர் வாசிப்பார்கள் என்று நீங்கள் சொன்னால் நீங்கள் (ஆ) வலைப்பதிவர்..

செக்-பாய்ண்ட் - 7

உண்மைத்தமிழன் பதிவை ஓப்பன் செய்ய ஒன்னே முக்கா மணிநேரமும், படிக்க பதினாறு மணி நேரமும் ஆகும் என்ற ரகசியம் அறிந்திருந்தால் நீங்கள் (அ) வலைப்பதிவர்..

உண்மைத்தமிழன் பதிவு ஓப்பன் ஆகாததுக்கு உங்கள் கம்பியூட்டரில் தான் ஏதோ கோளாறு என்று நீங்கள் நினைத்தால் நீங்கள் (ஆ) வலைப்பதிவர்..

செக்-பாய்ண்ட் - 8

நரேந்திர மோடி, சோ, குருமூர்த்தி, இஸ்ரேல் போன்றவற்றை ஆதரிப்பவர் ஒரு க்ராஸ் பெல்ட் என்று ஜஸ்ட் லைக் தட் நீங்கள் கண்டுபிடித்தால் நீங்கள் (அ) வலைப்பதிவர்..

கராத்தேயில் ப்ளாக் பெல்ட் தானே தருகிறார்கள், அது என்ன க்ராஸ் பெல்ட் என்று நீங்கள் கேட்டால் நீங்கள் (ஆ) வலைப்பதிவர்..

செக்-பாய்ண்ட் - 9

உள்குத்து, கும்மி, சுண்டக்கஞ்சி, மொக்கை, டவுஸர் கிழிந்து தாவு தீருவது, ஏஞ்சலினா கோவிந்தசாமி, கேத்தரின் பழனியம்மாள், சொந்த செலவில் சூனியம் வைத்துக்கொள்வது போன்ற பதங்களையும் அவற்றின் பயன்களையும் நீங்கள் அறிந்திருந்தால் நீங்கள் (அ) வலைப்பதிவர்..

இவை எல்லாம் தமிழில் சாதாரணமாக பயன்படுத்தப்படும் வார்த்தைகள் என்று நீங்கள் நினைத்தால் நீங்கள் (ஆ) வலைப்பதிவர்..

இப்போது பதில்கள்...

அ - பழைய
ஆ - புதிய]

நன்றாக இருந்தால் இந்த விண்ணர் கையை அமுங்குங்க !!!