டேய், நீ தீவிரவாதியாடா ?

டேய், நீ தீவிரவாதியாடா ?

இல்லையே....

தமிழர் விடுதலைப்படை, தமிழ்நாடு மீட்சிப்படை இதில எதாவது சேர்ந்துட்டியா ?

சத்தியமா கிடையாது....

ஏண்டா இப்படி செய்யுற ?

சும்மா தான்...டைம் பாஸ்...

அடப்பாவி...லூசாட நீ..

அப்படியெல்லாம் எதுவும் இல்லை...

அப்புறம் ஏண்டா இப்படி செய்யுற ?

நிறைய பேர் இருக்காங்க...

ஓ..அப்ப நிறைய லூசுங்க இருக்கீங்கன்னு சொல்லு..

அப்படி எல்லாம் சொல்லாதே...நாங்க லூசுங்க கிடையாது...

பிறகு வேற என்னடா...எப்போலேருந்து இப்படி...

சும்மா..ஒரு ஆறு மாசமா....

ஓ..ஆறு மாசமா இப்படி இருக்கியா..அப்ப ஆறு மாசம் முத்திருச்சுன்னு சொல்லு...

என்ன முத்திருச்சி..நான் ஒன்னும் பைத்தியம் இல்லை...

எங்கே இருந்துடா கிளம்பி வந்திருக்கீங்க...வெட்டிப்பயல்,ஜொள்ளுப்பாண்டி,கப்பி பய,பினாத்தல் சுரேஷ்,கால்கரி சிவா, இவங்கள்ளாம் யாருடா...தீவிரவாதிங்க தானே...

இல்லை, அவங்க எல்லாம் உடன்பதிவர்கள்..வலைப்பதிவர்கள்..

வலைப்பதிவா ? அது என்னாடா மீன் புடிக்க யூஸ் பன்னுறதா ?

இல்லை..தமிழ் பிடிக்க..மேற்க்கொண்டு பேசுனே, இது பற்றி பதிவு போட்டுடுவேன்..

என்னாது பதிவு போடப்போறியா..ஊறுகா போடுறமாதிரி சொல்லுற ? அப்படீன்னா என்னாடா?

பதிவுன்னா...ஊறுகா மாதிரியா ?

இல்லை, என் பதிவில் தான் பலர் ஊறுகாய்..

என்னடா மறுபடி உளற ஆரம்பிச்சிட்ட..

இல்லை, சும்மா ஒரு உள்குத்து வைச்சி பேசினேன்..

என்னது உள்குத்தா ? அது என்னடா, அது...

அதெல்லாம் சொல்லமுடியாது...என்னிடம் சண்டை போட்டு சொந்த செலவில் சூனியம் வச்சிக்காத..

என்னது..டேய் எங்கே இருந்துடா புடிக்கிற...சென்னைக்கு கிளம்பி வாடா, எனக்கு தெரிஞ்ச யுனானி டாக்டர் இருக்கார்...பார்க்கலாம்..

எனக்கு அனானிதான் பிடிக்கும், யுனானி பிடிக்காது...

டேய், உனக்கு ரொம்ப முத்திப்போச்சு..நானே அடுத்த வாரம் கிளம்பி வர்ரேன்..

விளக்கம்: கடந்த வாரம் சென்னை வலைப்பதிவர் சந்திப்பு முடிந்த மறுநாள், ஒரு பிரபல வலைப்பதிவர், தனது இரண்டு வலைப்பதிவு நண்பர்களுடன் என் சகோதரரை சந்தித்தார். பிரபல வலைப்பதிவர் என் சகோதரருடன் பேச ஆரம்பிக்குமுன், சக பதிவர் இருவரும் தங்களுக்குள் படு வேகமாக விவாதிக்க ஆரம்பித்தனர்..இதை கேட்ட என் சகோதரர் என்னை தொலைபேசியில் அழைத்து பேசிய பேச்சைத்தான் மேலே பார்க்கிறீர்..