விரைவாக விந்து வெளியேறுதல் அல்லது துரித ஸ்கலிதம்

இது சித்தூர் முருகேஷா டைப் பதிவல்ல. ஒரு விக்கி பீடியா கட்டுரையை தமிழில் மொழியாக்கம் செய்யும் முயற்சி. மருத்துவர் துமிழ் பல கட்டுரைகள் எழுதி இருக்கிறார். பலர் படிப்பதில்லை, உற்சாகப்படுத்துவதில்லை என்ற குறையும் அவருக்கு உண்டு. ஒரு வேளை அவரது பதிவின் ஆக்கங்கள் சிலருக்கு புரியாமல் இருக்கலாம் அல்லது தேவை இல்லாமல் இருக்கலாம். அதை பற்றி கவலைப்படாமல் அவர் எழுதவேண்டுமே என்பது தான் என் கவலை.

பாலியல் கல்வி என்றால் உவ்வே என்பார் ஏன் பெருகினார்கள் என்று தெரியவில்லை. பழந் தமிழில் உள்ள பாலுணர்வு சம்பந்தமான தகவல்கள் திரிக்கப்பட்டு, ஒரு சொட்டு விந்து நூறு சொட்டு ரத்தத்துக்கு சமம் போன்ற பல்வேறு உடான்ஸ் கதைகள் எழுதப்பட்டு, இதனால் இளம் தலைமுறைக்கு முறையான பாலியல் கல்வி கிடைக்காமல் சில தலைமுறைகளே இந்த தலைப்பை பொருத்தவரை ஆப்ரிக்க இருண்ட கண்டம் மாதிரி ஆகிவிட்டது.

கலவி என்பது வெறும் உடல் சார்ந்த ஒன்றல்ல, அது மனம் (மூளை) சார்ந்த ஒன்றும் என்பதை புரியவைக்கவேண்டும் முதலில். தமிழில் நல்ல புத்தகங்கள் வெளிவந்துள்ளனவா என்று தெரியாது ?



ஆனால் மருத்துவர் Helen singer kaplan அவர்கள் எழுதிய the Illustrated Manual Of Sex Therapy என்ற புத்தகததை தமிழில் மொழிபெயர்க்கவேண்டும் என்று ஆசை. கிழக்கு பதிப்பகம் அல்லது எனி இண்டியன் பதிப்பகம் சப்போர்ட் செய்தால் செய்வேன். தற்போதைக்கு விக்கிபீடியா சுட்டி ஒன்றை இந்த பதிவில் மொழியாக்கம் செய்ய முயல்கிறேன். குறை நிறைகளை சொல்லுங்கள்.

இனி பதிவு:

Premature ejaculation

PE என்று ஆங்கிலத்தில் சுருக்கமாக அழைக்கப்படும் இந்த விரைவாக விந்து வெளியேறல் என்பது, புணர்ச்சியின்போது ஒரு ஆண், தான் அல்லது தன்னுடன் உறவில் ஈடுபடும் பெண் விரும்பும் முன்பே தன்னுடைய உச்சநிலையை அடைந்து விந்தை வெளியேற்றிவிடுவதாகும்.

இது குறித்து ஆராய்ந்த மாஸ்டர்ஸ் மற்றும் ஜான்ஸன் ஆய்வுக்குழு ஆண், தன்னுடன் உறவில் ஈடுபடும் பெண் உச்சகட்டத்தை அடையும் முன்பே விந்து வெளியேற்றுவது, அவர்களது 50 சதவீத உறவில் நடைபெறுகிறது என்கிறது. அதாவது 100 முறை உறவில் ஈடுபடுபவர்களுடைய உறவில் 50 முறை இது நடைபெறுகிறது.

இன்னும் சில ஆய்வாளர்கள், புணர்ச்சி ஆரம்பித்த பின் இரண்டு நிமிடத்தில் விந்து வெளியேறுதலை PE என்று அழைக்கலாம் என்று பதிவு செய்துள்ளனர்.

1950 இல் Alfred Charles Kinsey அவர்களால் எடுக்கப்பட்ட ஒரு கருத்து கணிப்பின்படி மூன்றில் ஒருவர் தன்னுடன் உறவில் ஈடுபடும் பெண் உச்சகட்டத்தை அடையும் முன்பே விந்தை வெளியேற்றிவிடுகிறார். இது அந்த மூன்றில் ஒருவரின் 50 சதவீத பாலுறவின்போது நடந்துவிடுகிறது என்று பதிவு செய்துள்ளார். மேலும் பதிவு செய்யப்பட்ட சில கருத்து கணிப்புகளின்படி 75 சதவீதம் ஆண்கள், புணர்ச்சியின்போது அதிகபட்சமாக பத்து நிமிடம் வரை தாக்குபிடிக்கிறார்கள்.

இன்றைய பாலியல் பிரச்சினைகளுக்கான மருத்துவர்கள், விந்து வெளியேறல் என்பது, விந்து வெளியேறும் நிலையை அறிவது மற்றும் கட்டுப்படுத்துவது ஆகியவற்றில் அறிவின்மை, உறவு கொள்பவர்களின் உடல் மற்றும் மன ரீதியான விடயங்கள், இவ்வாறான தன்மைக்கு காரணம் என்பதை அறிந்துள்ளார்கள்.

PE என்ற விரைவாக விந்து வெளியேறும் தன்மையை ஆண் தன் வாழ்வில் ஒருமுறையாவது சந்திக்க நேரிடும்.அமெரிக்கன் பை படம் பார்த்திருப்பீர்களே ? அதில் ஹிரோவுக்கு முதல் முறை மழையில் நனைந்த பட்டாசு மாதிரி புஸ் போவதை நகைச்சுவையாக சித்தரித்திருப்பார்கள்...அமெரிககவில் 25 முதல் 40 சதவீதம் ஆண்களுக்கு இந்த PE பிரச்சினை உள்ளது.இந்த விடயம் ஒவ்வொரு தனிமனிதருக்கும் வித்யாசப்படுவதால் ஆராய்ச்சியாளர்கள் இதனை இன்னும் ஆழமாக படித்துவருகிறார்கள். ஆண் எவ்வளவு நேரம் வரை உடல் உறவில் ஈடுபட விரும்புகிறார், அதே காலகட்டத்தில் பெண்ணின் தேவை என்ன, அவருடைய விருப்பம் என்ன என்பதை நேரம் மற்றும் எண்ணிக்கை அடிப்படையில் (quantitative definition) வரையறுக்க முயற்சி செய்துகொண்டிருக்கிறார்கள்.

இப்போது கையில் உள்ள முடிவுகளின்படி 18 முதல் 30 வயதானவர்கள் சராசரியாக (IELT - intravaginal ejaculation latency time) 6 1/2 மணித்துளிகளில் விந்தை வெளியேற்றிவிடுவதாக தெரிவிக்கப்படுகிறது. இன்னும் சிலருக்கு இதை விட குறைவாக கூட இருக்கலாம். IELT என்பது ஒரு கணக்கீடாக வைத்து அது 2.5 என்ற அளவுக்கு கீழே இருந்தால் 1 1/2 நிமிடத்தில் விந்து வெளியேறிவிடும் என்று தெரிவிக்கப்படுகிறது. இந்த ஒன்னரை நிமிட புணர்ச்சியிலேயே திருப்தி அடையும் நபர்களும் உண்டு. மற்றபடி இரண்டு நிமிடத்துக்குள்ளாக விந்து வெளியேறுதல் என்பது மன ரீதியான அழுத்தத்தை ஆணுக்கு கொடுத்து, அது அவரது பேச்சில், செயல்களில், வாழ்வியல் முறைகளில் மாற்றத்தை கொண்டுவருகிறது. அது அவருக்கு தாழ்வு மனப்பான்மையையும் உருவாக்குகிறது. அது குழந்தையின்மை போன்ற பிரச்சினைகளுக்கும் ஆரம்பப்புள்ளியாக அமைந்துவிட்டால், அது தாம்பத்ய உறவில் சிக்கலை ஏற்படுத்துவதாக அமைகிறது. ஆகவே அவருக்கு PE குறைபாட்டுக்கான சிகிச்சை அளிப்பது அவசியமாகிறது.

PE மனவியல் பிரச்சினையா

வி.வி.வெ பிரச்சினையை மன அறிவியல் நோக்கில் அனுகவேண்டிய தேவை உள்ளது. பொதுவாக மனவியல் மற்றும் சூழல் சார்ந்த பிரச்சினை தான் வி.வி.வெ என்று வரயறுத்துள்ளார்கள்.

தமது துணையுடனான உடல் மற்றும் மன ரீதியிலான நெருக்கத்தை, உறவின் ஆழத்தை குறைவாக மதிப்பிடு செய்தல், உணர்வெழுற்சியான உற்சாக வாழ்க்கை இல்லாமை (sexual performance and emotional well-being) ஆகியவை PE க்கு பொதுவான காரணமாகும். அடிக்கடி ஏற்படும் மன உளைச்சல், பொருளாதார ரீதியில் ஏற்படும் அழுத்தங்கள், தன்னுடைய ஆண்மை பற்றிய தேவையற்ற, பொருளற்ற எதிர்பார்ப்புகள் (எதாவது ஆங்கில பிட்டு படங்களை பார்த்து தான் அந்த மாதிரியே நடந்துகொள்ளவேண்டும் என்று நினைப்பது), சமூகம் மற்றும் மதம் சார்ந்ததான தயக்கங்கள் (Sexual repression), ஏற்கனவே பாலியல் மற்றும் உடல் உறவு பற்றிய தேவையற்ற கதைகள், கற்பனைகளை மனதில் இருத்தி வைத்திருத்தல் மற்றும், சோம்பேறித்தனம், உடற்பயிற்சியின்மை, எப்போதும் வேலை மற்றும் அது சார்ந்தவைகளை பற்றி சிந்தித்தல், பொதுவாகவே தன்னம்பிக்கை குறைவு என்ற ஒற்றை வார்த்தையில் அனைத்தையும் அடக்கிவிடலாம்..

இதில் உறவில் ஈடுபடும் மனிதரின் ஆளுமை என்பது மிக முக்கிய பங்கு வகிக்கிறது. மேலும் தனது துணையுடன் இது குறித்து சரியாக விவாதிக்காமையும் ஒரு காரணம். காய்ந்த மாடு கம்பில் விழுந்தது போல என்று ஒரு சொலவடை உண்டு கிராமங்களில். தனது துணை என்ன நினைக்கிறார் என்று கேட்கும் அளவுக்கு கூட பொறுமை இல்லாமல் பாய்ந்து பிறாண்டுவார்கள் நம் மக்கள். இந்த விஷயத்தில் அவசரம் கூட ஒரு தொல்லையே. மன அளவில் தனது துணையை புண்படுத்துதல் கூட, அவரது முழுமையான ஒத்துழைப்பு கிடைக்காமல் போக காரணமாக இருக்கலாம். அப்படி இது போன்ற காரணங்களால் ஏற்படும் PE, இதன் மூலம் மற்ற பிரச்சினைகளுக்கு வழிகோலும். உறவில் திருப்தி இல்லாத நிலையும் ஏற்படும்.

மனவியலாளர் வில்லியம் ரீச் என்பாருடைய ஆராய்ச்சிகள் மற்றும் கூற்றுகளின்படி, பெல்விக் தசைகளில் (pelvic musculature) ஏற்படும் மற்றங்களும் PE என்ற பிரச்சினைக்கு காரணமாக இருக்கலாமாம்.

பிரிதொரு ஆய்வின்படி, துணையின் மாதாந்திர மாதவிடாய் சுழற்சி நிலை கூட IELT அளவை தொட்டு வி.வி.வெ பிரச்சினைக்கு காரணம் ஆகும் வாய்ப்பு உண்டாம். கருமுட்டை உருவாகும் சுழற்சியில் (fertile phase) கூட இதுபோன்ற பிரச்சினைகளை துணைக்கு நேரும் வாய்ப்பு உண்டாம். மேலும் ஒரு ஆய்வில், ஆண்கள் குறைவான வயதிலும் பெண்கள் அதிக வயதிலும் இருப்பவர்கள் உறவு கொண்டால் அந்த பெண்கள் அவர்களது உச்ச நிலையை (ejaculatory threshold )விரைவில் அடைந்துவிட வாய்ப்பு உண்டாம். இது சராசரியாக சம அளவில் இருப்பவர்கள் மற்றும் பெண்ணை விட அதிக வயதுள்ள ஆண்களை விட அதிகமானது. ஆகவே பெண்களை விட அதிக வயதுள்ள ஆண்கள் அதிக நேரம் உறவு கொள்வார்கள் என்று நிரூபிக்கப்பட்டுள்ளது.

இந்த வரிசையில் அடுத்த இடுகை / பகுதியில் மற்றயவைகளையும் மொழிபெயர்த்துவிடலாம் என்றுள்ளேன்.

Possible physical factors
Science of mechanism of ejaculation
Premature Ejaculation Diagnostic Tool (Premature Ejaculation Test)
Differential diagnosis
Other ejaculation disorder types
Treatment
Medications
References

1. ^ "Ejaculation delay: what's normal? [July 2005; 137-4"]. Retrieved 2007-10-21.
2. ^ Waldinger MD, Quinn P, Dilleen M, Mundayat R, Schweitzer DH, Boolell M (2005). "A multinational population survey of intravaginal ejaculation latency time". The journal of sexual medicine 2 (4): 492–7. doi:10.1111/j.1743-6109.2005.00070.x. PMID 16422843.
3. ^ Waldinger MD, Zwinderman AH, Olivier B, Schweitzer DH (2005). "Proposal for a definition of lifelong premature ejaculation based on epidemiological stopwatch data". The journal of sexual medicine 2 (4): 498–507. doi:10.1111/j.1743-6109.2005.00069.x. PMID 16422844.
4. ^ See for example Body of knowledge: an introduction to body/mind psychology by Robert L. Marrone, SUNY Press, 1990, ISBN 0791403874, 9780791403877, p. 104
5. ^ Böhlen D, Hugonnet CL, Mills RD, Weise ES, Schmid HP (2000). "Five meters of H(2)O: the pressure at the urinary bladder neck during human ejaculation". Prostate 44 (4): 339–41. doi:10.1002/1097-0045(20000901)44:4<339::AID-PROS12>3.0.CO;2-Z. PMID 10951500.
6. ^ Master VA, Turek PJ (2001). "Ejaculatory physiology and dysfunction". Urol. Clin. North Am. 28 (2): 363–75, x. doi:10.1016/S0094-0143(05)70145-2. PMID 11402588.
7. ^ deGroat WC, Booth AM (1980). "Physiology of male sexual function". Ann. Intern. Med. 92 (2 Pt 2): 329–31. PMID 7356224.
8. ^ Truitt WA, Coolen LM (2002). "Identification of a potential ejaculation generator in the spinal cord". Science 297 (5586): 1566–9. doi:10.1126/science.1073885. PMID 12202834.
9. ^ Coolen LM, Olivier B, Peters HJ, Veening JG (1997). "Demonstration of ejaculation-induced neural activity in the male rat brain using 5-HT1A agonist 8-OH-DPAT". Physiol. Behav. 62 (4): 881–91. doi:10.1016/S0031-9384(97)00258-8. PMID 9284512.
10. ^ Symonds T, Perelman MA, Althof S, Giuliano F, Martin M, May K, Abraham L, Crossland A, Morris M (2007). "Development and validation of a premature ejaculation diagnostic tool". Eur Urol. 52: (2): 565–73. PMID 17275165.
11. ^ Althof S, Rosen R, Symonds T, Mundayat R, May K, Abraham L (2006). "Development and validation of a new questionnaire to assess sexual satisfaction, control, and distress associated with premature ejaculation.". J Sex Med 3 (3): 465–75. PMID 16681472.
12. ^ "Premature Ejaculation". Premature Ejaculation and Male Orgasmic Disorder. Armenian Medical Network. 2006. Retrieved 2007-09-19.
13. ^ Safarinejad, M. R., & Hosseini, S. Y. (2006). Pharmacotherapy for premature ejaculation. Current Drug Therapy, 1, 37-46.
14. ^ SadeghiNejad, H., & Watson, R. (2008). Premature ejaculation: Current medical treatment and new directions. Journal of Sexual Medicine, 5, 1037-1050.
15. ^ Bandolier (2004). Premature ejaculation treatments reviewed. pp. 128–3.
16. ^ http://mayoclinic.com/health/drug-information/DR602715#89DB9B50-CC99-270F-FF4D198198E465E1
17. ^ Safarinejad MR, Hosseini SY, Safety and efficacy of tramadol in the treatment of premature ejaculation: a double-blind, placebo-controlled, fixed-dose, randomized study. J Clin Psychopharmacol. 2006 Feb;26(1):27-31.

உசாத்துணைகள்

http://en.wikipedia.org/wiki/Premature_ejaculation
http://en.wikipedia.org/wiki/Masters_and_Johnson
http://en.wikipedia.org/wiki/Orgasm
http://en.wikipedia.org/wiki/Alfred_Kinsey
http://en.wikipedia.org/wiki/Wilhelm_Reich
PE - Premature ejaculation
Orgasam - Orgasm is the peak of the plateau phase of the sexual response cycle, characterized by an intense sensation of pleasure (தமிழில் - உச்சகட்டம். இது பெண்களுக்கு மட்டும் உரியதாகும்)
..

இந்த மொழிபெயர்ப்பில் என்னுடைய சில எண்ணங்களையும் ஆங்காங்கே தூவியுள்ளேன்..ஆகவே நீங்கள் உங்கள் கருத்துக்களை பின்னூட்டத்தில் தூவுங்கள்..

..

..

..