காதலில் விழுந்தேன் தமிழ் திரைப்படம் ஆஸ்கருக்கு பரிந்துரை

எனக்கு தெரிந்து பல பிரச்சினைகளுக்கு இடையே வெளிவந்த பல படங்கள் இமாலய வெற்றி பெற்றுள்ளன...

கோர்ட்டில் வழக்கு, இராமநாதபுரம், மதுரை ஏரியாவில் திரையிட பிரச்சினை என்று பல பிரச்சினைகளை சந்தித்த காதலில் விழுந்தேன் திரைப்படம் தமிழ் திரைப்பட வரலாற்றில் இதுவரை இல்லாத மாபெரும் வெற்றி பெற்றுள்ளது...

அதிக வசூல் செய்த படங்களான பாட்ஷா, சிவாஜி, தசாவதாரம் போன்றவற்றை விட அதிக வசூல் பெற்றுள்ளது...மொத்தம் 3000 ப்ரிண்டுகள் இந்தியாவிலும் 2500 ப்ரிண்டுகள் வெளிநாட்டிலும் போடப்பட்டுள்ளது...

இது உலகில் எந்த ஒரு திரைப்படமும் செய்யாத சாதனையாகும்...

மேலும் இந்த திரைப்படத்தில் நடித்துள்ள நடிகர் நகுல் ஹாலிவுட் நடிகர்களுக்கு இணையாக ஸ்டண்ட் காட்சிகளில் தூள் கிளப்பியுள்ளார். இந்த திரைப்படத்தை நியூயார்க் பாக்ஸ் ஸ்டுடியோவில் பார்த்த நடிகர் ப்ரூஸ் வில்லீஸ் (புகழ்பெற்ற ஆக்சன் நடிகர்), "இந்திய சினிமாவில் இருந்து தனக்கு ஒரு போட்டி கிளம்பிவிட்டதாக" பொறாமையுடன் குறிப்பிட்டார்..

இந்த படத்தில் நடித்த சுனைனாவுக்கோ, பாலிவுட், ஹாலிவுட் போன்ற திரையுலகங்களில் இருந்தும் தென்னிந்திய திரையுலகங்களில் இருந்தும் நூற்றைம்பதுக்கும் மேற்பட்ட திரைப்படங்களில் நடிக்கும் வாய்ப்பு கிடைத்துள்ளது...

பெமினா மிஸ் இந்தியாவின் செலக்சன் கமிட்டியில் உள்ள அனுபம் கெர், அடுத்த ஆண்டு லண்டனில் நடைபெறவிருக்கும் பிரபஞ்ச அழகி போட்டிக்கு நேரடியாக சுனைனாவை அனுப்பும் முயற்சிகள் நடந்துகொண்டிருப்பதாக தெரிவித்தார்...

இந்த படத்தின் இசையமைப்பாளர் விஜய் ஆண்டனி, அடுத்து ஸ்டீவன் ஸ்பீல்பெர்க்கின் படத்தில் இசையமைக்க ஒப்புக்கொண்டுள்ளார்....ஸ்டீவன் ஸ்பீல்பெர்க் தன்னுடைய ஆஸ்தான இசையமைப்பாளர் ஜெப் கோல்ட் ப்ளம் (ஜூராசிக் பார்க் படத்துக்கு இசையமைத்தவர்) என்பவரை தவித்துவிட்டு விஜய் ஆண்டனியை ஒப்பந்தம் செய்துள்ளது, ஹாலிவுட் வட்டாரத்தில் சிறிய அதிர்ச்சியை ஏற்படுத்தியுள்ளது...

நாக்க முக்க பாடல் இப்போது இளைஞர்களின் தேசிய கீதம்...தமிழ் மட்டுமல்லாது கன்னடம், மலையாளம், தெலுங்கு, துளு ஆகிய மொழி இளைஞர்களும் இருபத்து நாலு மணி நேரமும் முனுமுனுப்பது நாக்கமுக்க பாடல்...இந்த ஆண்டுக்கான தேசிய விருது மட்டுமல்ல, எம்மி அவார்ட்ஸ் இந்த பாடலுக்கு கிடைக்க வாய்ப்புள்ளது...

சில்வஸ்டர் ஸ்டோலன் தனது ராம்போ 5 (நான்காவது பாகம் சென்ற ஆண்டு வெளிவந்தது), படத்தில் இந்த படத்தின் வில்லன் நடிகர் சம்பத் குமாரை ஒப்பந்தம் செய்துள்ளார்...

இந்த படத்தினை உலக தொலைக்காட்சிகளில் முதல் முறையாக சன் டிவி தயாரித்து, கலாநிதி மாறன் வழங்கியுள்ளார்...

இந்த ஆண்டுக்கான பிறமொழிக்கான ஆஸ்கர் விருது பரிந்துரை இந்த படத்துக்கு கிடைத்துள்ளது, கண்டிப்பாக ஆஸ்கர் விருதை இந்த திரைப்படம் வெல்லும் என்று தமிழகத்தில் வசிக்கும் ஆறு கோடி மக்கள் அனுதினமும் பிரார்த்தனை செய்துவருகிறார்கள்...

!!!!

சன் டிவி தரப்பு இந்த பதிவை அப்படியே சுட்டு நாளையோ அல்லது அடுத்த மாதமோ 8 மணி செய்தியில் படித்துக்கொள்ளுங்கள்...!!!!!!!!

பின்ன என்னடா !!!! பில்டப் கொடுக்கவேண்டியது தான்...அதுக்காக இப்படியா ? என்னால தாங்க முடியல..இனிமேலும் சன் டிவியில தோழியா என் எதிரீயா என் காதலியா அப்படீன்னு அந்த பரட்டைத்தலையனை காட்டுனீங்க ? மவனே பின்லேடனுக்கு லெட்டர் போட்டுடுவேன்..!!